«شرح دیباچه شاهنامه و داستان رستم و سهراب» منتشر شد

Шарҳи дебочаи «Шоҳнома» ва достони «Рустам ва Сӯҳроб» мунташир шуд

شاهنامۀ فردوسی بزرگ‌ترین حماسۀ ملی، معتبرترین نامه تاریخ، مهم‌ترین سند هویت مردم ایرانی‌تبار، منجمله تاجیکان و از مشهور‌ترین نمونه‌های حماسه در سطح جهان است که تاریخ ایران باستان را از آغاز تا به آغاز دوران اسلامی، در پیرایۀ اسطوره و وقایع تاریخی بازگفته است.
پنجمین مجموعة شرح آثار ادبی با عنوان «شرح دیباچۀ شاهنامه و داستان رستم و سهراب» برای شاگردان مکتب‌های تحصیلات عمومی تاجیکستان توسط پژوهشگاه فرهنگ فارسی- تاجیکی منتشر شد. نشر این کتاب اخیراً در ادامه‌ همکاری این پژوهشگاه با مرکزهای علمی و فرهنگی جمهوری تاجیکستان انجام گردید.
مجموعة مذکور مرکّب از درآمد سخن مؤلف، فصلی با عنوان «حکیم ابوالقاسم فردوسی و شاهنامۀ او» و متن دیباچه و داستان رستم و سهراب همراه با شرح لغات و معانی می‌باشد. این کتاب به روال معمول، به دو خط سیریلیک و فارسی و هر صفحة سیریلیک در رو به روی صفحة فارسی تهیه شده است، که برای دانش‌آموز امکان خوب تطبیق و شناخت املای واژه‌ها را فراهم می‌سازد.
کتاب مذکور به کوشش پروفسور شریف‌مراد اسرافیل‌نیا، رئیس پژوهشگاه رشد معارف به نام عبدالرحمان جامی آکادمی تحصیلات تاجیکستان و زیر نظر حسن قریبی، رئیس پژوهشگاه فرهنگ فارسی- تاجیکی تهیه و نشر شد.
لازم به ذکر است اثر مذکور توسط شورای ملی تحصیلات وزارت معارف و علم جمهوری تاجیکستان برای چاپ توصیه گردید.
کتاب «شرح دیباچۀ شاهنامه و داستان رستم و سهراب» که در 320 صفحه منتشر شد، ابزار مفید آموزشی برای درس‌های ادبیات فارسی- تاجیکی و بررسی محتوای شاهنامه حکیم فردوسی است.

«Шоҳнома»-и Фирдавсӣ бузургтарин ҳамосаи миллӣ, муътабартарин номаи таърих, муҳимтарин санади ҳувияти мардуми эронитабор, минҷумла, тоҷикон ва аз машҳуртарин намунаҳои ҳамоса дар сатҳи ҷаҳон аст, ки таърихи Эрони бостонро аз оғоз то ба оғози даврони исломӣ, дар пирояи устура ва вақоеи таърихӣ бозгуфтааст.
Панҷумин маҷмӯаи шарҳи осори адабӣ бо унвони «Шарҳи дебочаи «Шоҳнома» ва достони «Рустам ва Сӯҳроб» барои шогирдони мактабҳои таҳсилоти умумии Тоҷикистон тавассути Пажӯҳишгоҳи фарҳанги форсӣ-тоҷикӣ мунташир шуд. Нашри ин китоб ахиран дар идомаи ҳамкории ин пажӯҳишгоҳ бо марказҳои илмӣ ва фарҳангии Ҷумҳурии Тоҷикистон анҷом гардид.
Маҷмӯаи мазкур мураккаб аз даромади сухан, фасле бо унвони «Ҳаким Абулқосими Фирдавсӣ ва «Шоҳнома»-и ӯ» ва матни дебоча ва достони «Рустам ва Сӯҳроб» ҳамроҳ бо шарҳи луғот ва маонӣ мебошад. Ин китоб ба риволи маъмул, ба ду хат – кириллӣ ва форсӣ ва ҳар сафҳаи кириллӣ дар рӯ ба рӯи сафҳаи форсӣ таҳия шудааст, ки барои донишомӯз имкони хуби татбиқ ва шинохти имлои вожаҳоро фароҳам месозад.
Китоби мазкур ба кӯшиши профессор Шарифмуроди Исрофилниё – раиси Пажӯҳишгоҳи рушди маорифи ба номи Абдураҳмони Ҷомии Академияи таҳсилоти Тоҷикистон ва зери назари Ҳасани Қарибӣ – раиси Пажӯҳишгоҳи фарҳанги форсӣ-тоҷикӣ таҳия ва нашр шуд.
Лозим ба зикр аст асари мазкур тавассути Шӯрои миллии таҳсилоти Вазорати маориф ва илми Ҷумҳурии Тоҷикистон барои чоп тавсия гардид.
Китоби «Шарҳи дебочаи «Шоҳнома» ва достони «Рустам ва Сӯҳроб»», ки дар 320 сафҳа мунташир шуд, абзори муфиди омӯзишӣ барои дарсҳои адабиёти форсӣ-тоҷикӣ ва баррасии муҳтавои «Шоҳнома»-и ҳаким Фирдавсӣ аст.

همچنین بررسی کنید

مراسم رونمایی از کتاب گلنظر کلدی

Маросими рӯнамоӣ аз китоби Гулназар Келдӣ

مراسم رونمایی از تازه‌ترین اثر شاعر خلقی تاجیکستان استاد گلنظر کلدی با عنوان «لاله‌ها بر …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *